Calcio: Messina-Catania 0-0. Ascolta l’audio.
A Rubrica do Zu’ Turi
Si ioca ammatula ndo’ centru campu. Insomma i squadri pari ca nde’ spogliatoi ci eru sulu pi canciarisi u ciripà.
Ascolta l’audio
“Ianu c’e e potta macari u Zu’ Tanu. Ni sbagandamu i pasticcini e via.
Canni di cavaddu o pisci spada a gghiotta? Cannoli ca ricotta o a pignulata? Pi sti cosi vincemu nuatri, pa pattita no sapemu. E cussi’ ca avemu u sangu acqua e vuredda anturciunati pi viriri comu finisci.
U Messina trasi e ioca cu nu centru campu cu quattru cristiani. U Catania nun soffri stu schieramentu e vistu ca u campu è bonu pari ca u pomeriggiu si putissi mentiri bellu pi daveru.
Tra primu e sicunnu tempu cancia picca e nenti. Pocu di viriri.
I du squdri su scantati e in avanti su troppu scunchiuruti.
Ndo’ primu tempu si viri un pocu di Catania, u secunnu tempu è macari difficili teniri l’occhi apetti.
Si ioca ammatula ndo’ centru campu, e cu un Messina ca non tira mai, i iucaturi do Catania pari ca si pigghiaru di immiria e fannu u stissu.
Insomma i squadri pari ca nde’ spogliatoi ci eru sulu pi canciarisi u ciripà.
A tempu scarutu i difensori nostri s’ addummisciunu macari iddi, iu che me cumpari sautamu nda’ l’aria, ma u Messina è già nde’ spogliatoi e non ne approfitta.
Finisci senza gol e poche emozioni. Bonu macari d’accussi. Un puntu è bonu almeno pi pigghiarisi bellu cafe’ o bar.
Da Santo Nuddu è tutto e dopu u cafe’ mi o cuccu.
Buona sera do Zu Turi”.
Foto tratta dal sito del Calcio Catania