A Rubrica do Zu’ Turi
… n’arrestau sulu u pani schittu. Stadio vuoto e picca entusiasmo
Ascolta l’audio.
VIDEO
U stadiu è un pocu leggiu. A vittoria da simana passata è scurdata e macari pi comu vinni, i cristiani su ancora cu picca entusiasmo.
U Benevento s’abbessa cu cincu ndo’ centru campu. U Catania soffri ndo’ supecchiu, picchi a allaggari u iocu nde’ fasci è tintu.
Agazzi furria ammatula, Nunzella e Garufo si fannu sautari coppu pi coppu.
I picca voti ca si pigghia u palluni, o si manna fora o nde’ peri di l’avvissari.
U risuttatu è ca si non si pigghia gol è sulu pi futtuna.
Ndo’ sicunnu tempu, Cicciretti si fa na bella passiata di vinti metri co palluni nde’ peri, su bessa e signa. Bellu gol, certu ca i nostri o ciospu ci putevunu iri dopo.
Dopu u gol a musica è a stissa.
Mattera parra supecchiu e l’abitru u manna o bar.
U Catania avissi menzura p’ abbissari a pattita iucannu unu supecchiu.
Subitu veni u dubbiu ca semu nuatri unu in menu, tantu iucamu tinti.
I carusi parunu sparuti e macari Bergamelli, ca fici ndo’ so megghiu, ci misi a so. Rigori e a cussi semu dui sutta.
Pigghiati de bummi, arriva macari u sdirubbu, cu Cicciretti ca lassatu sulu ni cala u tri di coppi.
Ndo’ speddiri da pattita Nunzella signa su punizione, ma pi iddu e i so cumpagni arrivanu sulu i fiscuna.
Co colabrodu d’arreri e un cucchiaiu di lignu davanti u risuttatu e scrittu, e a nuatri n’arresta u pani schittu.
Dallo Stadio Angelo Massimino è tutto.
U Zu’ Turi s’abbilia e cu muccaturi nda’ l’occhi vi rici ” buona sera vossia”.
Foto tratta dal sito del Catania Calcio