Reggina Catania diretta web. Alle ore 20:30 inizierà, allo stadio Oreste Granillo, la partita tra gli amaranto e i rossazzurri, a caccia di un immediato riscatto dopo la recente sconfitta interna.

Mini crisi pa squadra di lucarelli, ca peddi a sicunna pattita di fila. Troppu spreconi u Catania do primu tempo e cinica a Reggina ca sfruttau na rummuta di centrucampu e difesa do Catania. Ndò sicunnu tempu a Reggina avi chiù iamma e alla fine vinci cu un errori da difesa do Catania ca lassa sulu Bianchiamno intra l’area. Sicunnu tempu unni u Catania tirau picca e nenti. Pi Reggina Catania è tutto. U Zu Turi vi saluta e vi runa appuntamentu pa prossima pattita do calcio catania. Buona sera a tutti

 

22:29

Finita. Reggina batte Catania 2-1

22:28

Bogdan a runa a Ripa intra l’area ma non aggancia l’attacante

22:26

Errori di marchese ca si fa sautari e Bianchimano lassatu sulu ndà l’area fa gol

22:26

Reggina in Vantaggio Bianchiamano fa la doppietta.

22:25

Attacca la Reggina

22:23

Cross di Semenzato pi Russotto. Colpo di testa iautu. Sempri 1-1

22:22

6 minuti di recupero

22:19

Po Catania nesci Mazzarani e trai Zè Turbo

22:17

Qualche istanti prima Marchese spreca intra l’area na bona occasioni tirannu iautu

22:17

Pa Reggina nesci Marino e trasi l’ex rossazzurro Garufi

22:16

Pattita ca è rapida che squadri ca su longhi ndò campo. Ma è a Reggina ca ammutta cchiossai

22:13

Porcino si fa tuttu u campu palla o peri, cross pi Tulissi ca veni abbiatu nterra da Marchese appena fora area

22:10

Po catania nesci Curiale e trasi Ripa

22:09

Grandissima azioni di Fortunato e stinnicchiatu nterra da Aya.

22:06

Tedeschi sbagghia un palluni e poi Fortunato sbagghia tuttu.

22:04

Prissioni bona do Catania, prima su Punizioni e poi su angolo sempri di Russotto, ma nenti di fatto

22:02

Pericolosa azioni da Reggina, cu nu cross ndà l’area pi Fortunato, appena trasutu, ca scascia u palluni. Sempri 1-1

22:00

Pa Reggina nesci Di Livio e trasi Fortunato

21:59

Russotto trasi palla o peri ndà l’area, cross ma a difesa da Reggina anticipa Mazzarani

21:58

Pasqualoni, patti palla o peri da fascia, sinni va versu o centro e di fora area tira. Palla fora di picca.

21:55

Ammonito Bianchimano pi fallu su Russotto ca sinni ava iutu ndà fascia sinistra

21:54

Mazzarani di fora area tira e palla iauta

21:52

De Francesco abbia intra l’area e Porcino di testa a menti fora. Sempri 1-1

21:51

Nesci Mezzavilla e trasi Porcino ndà Reggina

21:48

De Francesco si fa na cussa palla o peri, crossa ndà l’area pi Bianchimano, ma Pisseri nesci bonu e a pigghia

21:47

Reggina ca fa furriari bonu u palluni e u catania ca s’addifenni, macari cu qualchi fallu

21:44

Ricumincia a pattita

21:42

Fumogeni in campo vicinu a porta di Pisseri. Partita sospesa

21.39

Reggina tutta in attacco

21:36

Accuminciau u sicunnu tempu senza canci ndè du squadri

Bella a prestazioni de carusi di Lucarelli ca ficiru belli azioni ndò primu tempu  da pattita. Sulu su un errori ndò centru campu, ca non tinni a De Francesco e di Aya ca non chiuriu su Bianchimano, si pigghiau u gol. Pareggio su cross di Marchese u megghiu de soi, l’unicu ca sta mintennu intra l’area palli pericolose.

21:20

Catania ca ammutta ma speddi u primu tempo. 1-1

21:17

2 minuti di recupero

21:15

Cross di Marchese e Curiale di testa a manna all’angolino.

21:15

Paregiiiiiiooooooooooooo Curiale. 1-1

21:08

Dopu una punizioni, grande fudda ndà l’area do Catania. Tedeschi asbirugghia tirannu luntanu

21:05

Prissioni fortissima do Catania e tiru a latu di Mazzarani. Sempri 1-0

21:03

Giallu pi Mezzavilla ca stinnicchiau nterra Caccetta

21:02

Azioni di Marchese ca abbia intra l’area nu bellu palluni, ma Curiale tira fora

20:57

Cucchietti, savva su Semenzato ca tirau a botta sicura

20:55

Russotto teni u palluni ndè peri, s’accentra tira, ma a palla è centrali e lenta. Facili po putteri avvissario

20:52

Ammuta u Catania ca non ci sta a peddiri

20:50

De Francesco si ioca u centrucampu etneo, passa a Bianchimano ca trasi ndà l’area, sauta Aya e tira all’ngolino

20:50

Reggina in vantaggio cu Bianchimano. 1-0

20:49

Punizioni ca veni deviata in angolo. Sull’azioni di corner nenti di fatto. Parziali 0-0

20:47

Dpu i primi minuti tutti po Catania, s’arrusbigghia a Reggina, cu na bella trama offensiva e punizioni davanti l’area di rigore pe i calabrisi

20:43

Ammonito Curiale. Dopu essiri statu pigghiatu di un passaggiu, Cucchietti anticipa Curiale, ca poi di nterra runa un cauciu o putteri

20:41

Mazzarani signa su passaggiu di Caccetta, ma l’abitru annulla pi forigioco

20:40

Mazzaraniii su punizioni. Barriera sautata e putteri ca arriva

20:38

Mazzarani arrecupera un palluni ndà trequarti, palla a Russotto intra l’area tiru ca va iautu

20:37

Mazzarani a runa a Curiale ca tira sulu davanti o putteri. Palla fora

20:35

Occasioni Catania. Cross di Curiale, palla ca arriva a Mazzarani ca di fora area tira, ma a palla nesci di picca

20:32

Accuminciau a pattita

20:31

Catania ca scinni in campu ca maglietta di trasferta bianca

20:29

Squadri ca scinnunu ndò campu.

20:18

Pi l’omini ca Lucarelli scigliu u Catania putissi essiri macari un 3-4-1-2, cu Mazzarani arreri e du punti Russotto e Curiale

20:02

Squadri ca su ndò campu pi cuariarisi

20:00

Ecco i formazioni ufficiali:

REGGINA (4-3-1-2): 23 Cucchietti; 2 Pasqualoni, 5 Laezza, 19 Di Filippo, 3 Solerio; 29 Mezavilla, 10 De Francesco, 14 Marino; 11 Di Livio; 7 Tulissi, 9 Bianchimano.

CATANIA (3-5-2): 12 Pisseri; 4 Aya, 5 Tedeschi, 26 Bogdan; 13 Semenzato, 8 Caccetta, 27 Biagianti, 32 Mazzarani, 15 Marchese; 11 Curiale, 7 Russotto.

Sabenerica a tutti da parti do Zù Turi ca è prontu pi cuntarivi sta pattita do Calcio Catania.

Pattita di pronta riscattu pe carusi di Lucarelli. Catania quasi o completu, picchi mancanu Bucolo e Di Grazia. Oggi all’annu fini 1-1, cu u Catania ca ava passato in vantaggio ma poi fu ricuppigghiatu e ndò finali suffriu l’attacchi de padruni di casa.

I Calabrisi già iucaru avannu 4 pattiti intra casa, pigghiannu 7 punti cu du vittori, un pareggio e na sconfitta. Sunnu cincu i gol fatti e 3 chili pigghiati.

U Catania fora casa vinciu già 3 voti e pessi sulu contru a Casertana. I gol fatti su cincu e unu sulu chiddu pigghiatu.

Reggina ca s’avissa schierari co un 4-3-1-2 a rombo, proponennu nu iocu veloci ndè fasci. U Catania ca pi stasira non avrà Bucolo, assenti pi squalifica e soprattutto, Di Grazia, s’avissa affidari a Russotto cu un tra Curiale e Ripa come centrali. O centrucampu, a menu di così di l’ultimu minutu, avvisa essiri cu Marchese, Biagianti, Lodi, Mazzarani e Semenzato. A difesa davanti a Pisseri, sarà fatta cu Aya, Tedeschi e Bogdan. E quindi co u solito 3-5-2, ca i fasi di non possessu addiventa 5-4-1 o 5-3-1-1.