Pubblicato il: 25 October 2015 alle 7:17 pm
A rubrica do zu’ Turi.
Catania-Martina Franca 3-2
U stadiu è paratu tuttu a festa, a squadra trasi ndo’ campu e a fudda nde’ tribuni ietta uci e spara tricchi tracchi.
I carusi oggi parunu liuni nisciuti di na iaggia e tirunu palluni di tutti agnuni.
Nde tribuni tutti riciunu “ma cu su chisti ?”. A verità è ca è a prima vota ca ci iucamu contru. Pensu ca nu stadiu comu u Cibali su zunnaru di notti.
Dopu na bella sfuriata de nostri liuni, un tiru di fora di iddi ni fici veniri a giallina.
Ma u Catania ioca a na potta e dapprima cu Calil e poi cu Calderini ca acugna di testa, fa rapido 2-0.
A pattita sa abbia lenta e u primu tempu speddi daccussi.
U sicunnu tempu accumincia co Catania ca è addummisciutu, e i iucaturi do Martina Franca, parunu cavaddi insevaggiuti. Ni chiusiru intra l’area e su rigore accuzzunu u risuttatu. U rigori c’era ma l’abitru fu troppu tintu ca abbiau fora a Scarsella.
A pattita cancia e poi na punizione ca spaccau a potta. 2-2 e cala u friddu. Tutti o stadiu pensanu ca a pattita è pessa. Nesciunu fora i soliti cucchi. I carusi ndo campu parunu sviluti. Ma i curvi volunu a vittoria. E quannu Calin abbia u tezzu gol, pari ca ci fu un terremotu. Da li sulu Catania o quasi.
O scadiri nda l’area do Catania c’è parapigghia e Bastianoni, u puteri fa u sautu da iatta e pigghia un palluni ca pi tutti era nda intra.
O fischiu finali paria ca amuva vinciutu a coppa do munnu. Peppino ca chianceva e Iano, inseparabile mio fratello di tifo rissi ” mi pareva centanni ca fineva”.
Pi oggi e fatta. Stasira o Santu Nuddu, mangiamu cuntenti.
Dallo Stadio Massimino u Zu’ Turi vi saluta.
